​陈瑶离开“唐人”，网友拍手叫好！巅峰开局但高开低走，佢众多待播作品能否再

陈瑶离开“唐人”，网友拍手叫好！巅峰开局但高开低走，佢众多待播作品能否再现爆款？

都话“东家唔打打西家”，

娱乐圈经纪公司与艺人嘅

分分合合早就屡见不鲜啦。

昨日，90后小花陈瑶

正式官宣与老东家“唐人影视”

约满不续，

呢次“分手”睇落都几peace。

但评论区就有唔少网友

为陈瑶拍手叫好，

感叹“唐人”终于肯放人~

其实在国内影视圈

“唐人影视”都曾经係风头趸

出品过多部高质古装剧

仲有内娱古偶“鼻祖”之称添。

从早期嘅《杨门女将》

《天地传说之鱼美人》

到后来大爆嘅《仙剑》系列、

《天外飞仙》《聊斋奇女子》

《步步惊心》等众多爆款影视

承包咗好多观众嘅青春回忆。

可惜嘅係，

近年“唐人出品”有啲走下坡路，

自制剧失去造星能力，

外部资源也不突出，

喺艺人培养方面不占优势。

俗语有话：“大树好乘凉”，

点解呢次陈瑶离开

大家反而觉得係佢“脱离苦海”？

皆因陈瑶喺“唐人”呢7年

实在高开低走得好可惜！

作为“唐人”90后梯队中

年纪较小嘅一个，

佢“北影”未毕业时

就已经搭档胡歌

参演首部电视剧《旋风十一人》

同年12月，

网剧《无心法师》启动拍摄，

陈瑶被选定出演反派岳绮罗

萝莉外表、内心沧桑。

外表人畜无害，实则不死老妖，

凭借呢个令人又爱又恨嘅

大魔头角色，

加上“岳绮罗&张显宗”

呢对意难平CP嘅加持，

陈瑶嘅人气一路飙升

甚至超越饰演女主嘅金晨。

啱入行就拥有一个

令观众印象深刻嘅爆款角色，

陈瑶可谓开局就打咗一手王炸。

但巅峰开局之后，

陈瑶却并冇受到力捧。

当时“唐人”一心将资源

倾斜俾想要捧嘅一哥、一姐，

位于第二梯队嘅陈瑶

往往只能做自制剧嘅配角专业户，

或者参演啲不温不火嘅外部剧。

well~不过有颜有演技，

演配角都可以好出彩嘅~

好似《青丘狐传说》嘅狐女花月，

《柜中美人》嘅小狐仙胡飞鸾，

《橙红年代》中古灵精怪嘅少女李纨等

都让观众留下深刻印象

除咗在资源分配上有啲“偏心”，

“唐人”最有争议嘅操作

就係安排陈瑶频繁反串着男装。

先係《无心法师2》中

反串黑帮少爷丁小猫

到《无心法师3》时，

又一人分饰一对孪生姐弟。

之后喺《少女大人》

《穿盔甲的少女》等

多部作品中亦都有

“女扮男装”嘅戏份。

其实女扮男装并唔係乜新鲜戏码，

而且如果演得出彩，

确实能成就经典佳作，

好似梅艳芳、叶童、

林青霞、叶璇等都曾经

贡献过经典嘅男装扮相。

but陈瑶天生萝莉面孔，

男装扮相并唔係佢嘅优势。

所以，有唔少粉丝觉得

正因为“唐人”安排佢接二连三地

演唔适合自己嘅角色，

不见加分，反而不断消耗观众缘。

anyway~，

对于事业长期不温不火嘅陈瑶，

其实转换东家也不失为

一个突破事业瓶颈嘅好选择，

佢目前手握多部待播新剧，

暂时又唔惊冇工开嘅。

待播作品中，

年代题材《情满九道弯》

可谓最让人期待！

该剧係韩东君与陈瑶

继《无心法师》后再度合作，

此外仲有热依扎、萨日娜等

实力派演员加盟。

谍战剧《宿命之敌》中，

陈瑶再次挑战一人分饰两角，

造型和服装格外吸睛，

不过呢部剧已经积压多时，

暂时仲未等到定档嘅消息。

古偶剧目方面，

陈瑶有搭档梁靖康主演嘅

《半城花雨伴君离》

搭档罗云熙、陈飞宇主演嘅

《皓衣行》

两部剧都係改编自人气小说，

相信热度都唔会低。

另外，喺尚在拍摄中就

已经话题多多嘅

《狐妖小红娘·月红篇》中，

陈瑶亦有份饰演“律笺文”一角，

路透造型都几唔错噶。

唔知边部剧最有爆款相，

可以帮陈瑶打场漂亮翻身仗？